ЈКП „ШАР“ – Тетово започна со активности за санација и уредување на шахтите на критичните локации низ градската сообраќајна мрежа

Од ЈКП „ШАР“ -Тетово со известување до граѓаните.

„Една од интервенциите се реализира на улицата „Видое Смилевски – Бато“ (Индустриска), каде што екипите работат на санација на оштетениот дел од коловозот и уредување на површината околу шахтниот капак. Целта на овие активности е подобрување на безбедноста во сообраќајот, намалување на ризикот од оштетување на возилата и создавање побезбедни услови за сите учесници во сообраќајот. Интервенциите се дел од активностите за подобрување на состојбата на комуналната инфраструктура, со посебен акцент на локациите каде што се евидентирани оштетувања и потреба од санација.

ЈКП „ШАР“ – Тетово ќе продолжи со интервенциите на критичните места низ градот, давајќи приоритет на безбедноста на граѓаните и функционалноста на јавната инфраструктура. Апелираме до граѓаните и учесниците во сообраќајот да бидат внимателни во зоните каде што се изведуваат работите и да ја почитуваат привремената сообраќајна сигнализација. Безбедната инфраструктура е во интерес на сите граѓани! – се вели во соопштението на ЈКП „ШАР“-Тетово.